Ehunmilak 2016: Azaroaren 5ean irekiko da izenematea

“Ehunmilak” ultratrail (EHM-168k) “Goierriko 2 haundiak” (G2H-88k)”MariMuruMendi (MMM 42k)

Uztailaren 8, 9, eta 10an

Ehunmilak ultratrailaren 7. Edizioan parte hartzeko aukera eta izenematea, azaroaren 5ean 17:00tan irekiko da eta ekainaren 2an itxiko da (biak barne). Guztira 1.250 dortsal, izango dira eskuragarri honela banatuta: Ehunmilak 500, Goierriko 2 Haundiak 500 eta MariMurumendi 250.
Izenematea internet bidez egin ahal izango da, berrituta datorkigun www.ehunmilak.com web orri ofizialean.
Izenematearen salneurri edo prezioak:

Ez dira aldatu iaztik. Mantendu egiten dira bai prezioak eta iaz jarritako epeak. Lehenago izena emanda merkeago izango da. Araudian eskuragarri https://www.ehunmilak.com/wp-content/uploads/2015/11/Araudia_2016_eu.pdf

*mmm-ren kasuan, txip horia daukanak inskripzioa 2 euro gutxiago ordainduko du

2016an ere puntuagarri izango da Ehunmilak UTMB eta Hardrock lasterketetarako

Frantziako probarako (2017korako), Ehunmilakek 6 puntu eta G2H-k 4 puntu banatuko ditu.

Proba amerikarrean parte hartzeko baliogarri izango da gure lasterketak amaitzea (EHM, G2H).

EHUNMILAK LASTERKETAK DATUETAN; GOGORTASUNA ETA EDERTASUNA

Ehunmilak 168km/D+11.000m ibilbidea dauka. Berau bukatzea Mont Blanc-eko Ultratraila bukatzea baino erronka gogorragoa da.
“Goierriko bi haundiak” 88km/D+ 6.000 ibilbidea dauka. Aukera ezin hobea da gau bakarreko probez gozatzen dutenentzat edo etorkizunean proba “erreginerako” jauzia emateko asmoz lurralde honekin eta bertako jendearekin harremanetan jarri nahi dutenentzat.
Mila boluntariotik gora egongo dira Gipuzkoa osatzen duten 5 mankomunitateetan banaturik. Beraiek bermatzen dituzte urtero estatu guztian beste inork ez dauzkan babesa eta giroa.
Ibilbideak bi parke natural oso esanguratsuz gozatzeko aukera ematen du. Txindoki (1346m) eta Aizkorri (1528m). Hurrenez hurren Euskadiko eta munduko Trail runningaren bi ikono mitiko.